Seo seimineár gréasáin de chuid Barnardos agus scoileanna Etb do thuismitheorí ag tarlúint Dé Máirt 8 Samhain idir 7:30 agus 8:30 i.n. Brú an nasc seo le páirt a ghlacadh ann. https://avc-ie.zoom.us/webinar/register/WN_nLKTS29HQ0mEQNyrFmoFqg

Le bhur dtoill glacaicí páirt agus déan bosca Nollaig do pháistí bochta san Eoraip. Gasúr nó girseach – san aoisghrúpa seo 2-4, 5-9 nó 10-14.
Níos mó eolais ar suíomh seo.
https://www.teamhope.ie/

Spriocdháta 7 Samhain. Go raibh maith agaibh.

Seo agaibh BT Eolaithe Óga Choláiste Ailigh 2023! D’éirigh le cúig tograí fáil tríd go dtí an comórtas i mBaile Átha Cliath Mí Eanáir seo chugainn. Mar a fheiceann sibh, tá siad réidh le dul! Comhghairdeas libh!

Comhghairdeas le Coláistí Leitir Ceanainn ag a raibh an bua san iománaíocht in éadan Coláiste  Colmcille, Béal Átha Seannaigh acu an tseachtain seo.  Imreoirí Choláiste Ailigh,  Choláiste Naomh Adhmnáin agus Loretto Bhaile na nGallóglach ag imirt san fhoireann.

Ár gcroíthe ag dul amach do mhuintir Chraoslach. Tá pobal na scoile uile ag smaoineamh oraibh agus ar gach duine páirteach san iarracht.

Táimid ag lorg adhmad don margadh Nollaig! Má tá adhmad ina luí ag aon duine sa bhaile bheadh muid buíoch as. Tá leantóir agam sa bhaile agus thig liom é a phiocadh suas. Thig leat teaghmháil a dhéanamh liom (Máistir Ó Maolgáin) fríd blaineomaolagain@donegaletb.ie. Go raibh maith agat!

Comhghairdeas leis an chéad fhoireann camógaíochta i gColáiste Ailigh a bhain inniu in éadan Foireann PS Ghaoth Dobhar/Coláiste na Rosann! Maith sibh!

Tá moladh ard tuillte ag Clara Ní Mhatha ón Idirbhliain a bhí ainmnithe do Ghradam Óige an Gharda Síochána as ucht a cuid iarrachtaí i leith an cheantair. Is léir gur saoránach den scoth í Clara a thugann sampla ar dóigh dóibh siúd thart uirthi, mar shampla trí éirí go moch achan Domhnaigh agus siúlóid ocht gciliméadar a dhéanamh thart an cheantair ag bailiú bruscar! Tá an teastas seo tuillte go maith agat a Chlara! Anseo le Garda Gráinne Uí Dhochartaigh a tháinig isteach sa scoil chun an bronnadh a dhéanamh ar Chlara.

Bhí cúpla laethanta iontacha ag daltaí ón séú bliain i Londain áit ar thug siad cuairt ar an Iarsmalann Stair Nádúrtha, An Iarmsalann Eolaíochta, seó ‘West-End’, Madame Tussauds, Súil Londain, an ‘Tate Modern’ agus Amharclann ‘Shakespeare’s Globe’, áit ar tugadh céardlann aisteoireachta dóibh. Chomh maith le sin ghlac siad páirt i dturas treoraithe thart ar an chathair agus gníomhaíochtaí eile. Ní dhéanfaidh siad dearmaid ar an deis agus an taithí iontach seo choíche! Seo agaibh cúpla íomhánna den chraic!