All posts by Shane

Turas Ealaíne go dtí an Gléib

Seo daltaí ó na ranganna ealaíne sinsearacha ag freastal ar an taispeántas ealaíne ‘Cassiopeia’ le déanaí. Tá an taispeántas leis an t-ealaíontóir Stephen Mc Kenne ar súil i nDánlann an Ghléibe i nGartán agus bhain na daltaí an sult agus inspioráid as. 
Míle buíochas do Adrian Kelly coimeádaí an gailearaí a thug turas pearsanta dúinn ar an lá. 

Fáilte d’iardhaltaí teacht isteach chun torthaí a fháil ar maidin

Fáilte roimh daltaí na séú bliana anuraidh teacht isteach sa scoil maidin amárach chun na torthaí a fháil! Beidh seomra Maistreás Uí Cheallaigh oscailte agus an Mháistreás ar fáil idir 10:00 agus 12:00 más mian le duine ar bith na ríomhairí ansin a usáid chun na torthaí a fháil ar líne le tacaíocht agus comhluadar. Beidh tae, caifé agus cairdeas ar fáil 🙂

Buíochas agus slán le Máistreás Uí RÓIS

Bhailigh pobal na scoile le chéile inniu chun slán a fhágáil le Máistreás Uí Róis agus í ag fágáil ar sos ghairme. Ní raibh súil thirim sa halla agus muid ag gabháil buíochas leí as ucht an tionchar ollmhór a bhí aici ar shaol na ndaltaí agus ar spiorad na scoile thar na blianta. Guímid gach rath uirthi sa todhchaí!