Comhghairdeas leis na daltaí a chaillaigh do Chraobh na hÉireann i ndiaidh páirt a ghlacadh i gCraobh Uladh a reáchtáladh anseo i gColáiste Ailigh ar an Mháirt, agus is iad siúd nó

Aisling Ní Shiadháil

Chloe Ní Chiaráin

Iseult Nic Mhathúna

Iarlaith Mac Fhionnghaile

Críostóir Ó Márta

Joseph Mac Suibhne

Comhghairdeas le Cáit, Iseult, Kayleigh agus Aobha atá cáillithe do chraobh Uladh, bhí siad ag rith inné i nDoire.  

Comhghairdeas mór le ceoltóirí na scoile a rinne éacht inniu i gcomórtas ceoil náisiúnta Scléip i mBaile Átha Cliath. Bhuaigh an grúpa sinsearach ‘Rasta Cneasta‘ an chéad áit sa tír, bhain Aifraic Ní Bhróithe agus Amy Ní Cléirigh an chéad áit ina gcatagóir agus ghlac Pól Mac Giolla Easpaig an dara háit sa tír!

Comhghairdeas leis na cailíní F16 atá anois mar churaidh na hÉireann sa chispheil tar éis an bua iontach a bhí acu le scórlíne 59 go 26 in éadan Cnoc Labhrais i mBaile Átha Cliath inné. Tá pobal na scoile uilig iontach bródúil asaibh!

Seo roinnt grianghraif den ócáid stairiúil:

Agús fís den chluiche:

Comhghairdeas mór do na cailíní i bhfoireann shinsearach F20 peile na scoile a bhain cluiche leath ceannais Uladh inniu in éadan Coláiste Loreto an Chabháin le scórlíne 6-4 go 1-5. Imreoidh siad in éadan Coláiste Thornhill, Doire i gcluiche ceannais Uladh Dé hAoine 25 Eanáir.

Tá comhghairdeas mór tuillte ag na daltaí uilig a ghlac páirt i gComórtas BT Eolaí Óg 2019. Chuaigh seacht dtionscnaimh shuimiúla síos go Baile Átha Cliath a tharraing suim agus meas na moltóirí agus an phobail ghinearálta, na meán cumarsáide ina measc.

D’éirigh linn trí dhuaiseanna a ghlacadh abhaile linn freisin, le hOisín Ó Fearáin ón idirbhliain ag piocadh suas dhá dhuais, ceann amháin don tionscnamh is fearr trí mheán na Gaeilge, dá thionscnamh ar mheon aoisghrúpaí éagsúla ar an athrú aeráide. Bhain Clodadh Ní Chonchúir ón gCéad Bhliain duais chomh maith ar úsáid seile mar tháscaire ar díhiodráitiú.

Chuaigh scaifte daltaí ón scoil síos don lá Dé hAoine freisin chun blas den ócáid agus inspioráid a fháil. Bhain siad an sult agus tairbhe as an lá.

[Show slideshow]

Comhghairdeas mór d’fhoireann chispheile na cailíní F16 atá tar éis an bhua a fháil i mBaile Átha Cliath! Tá an fhoireann tríd go cluiche Ceannais na hÉireann! Maith sibh agus comhghairdeas arís.

Daltaí an Idirbhliain ag bronnadh torthaí iarrachtaí flaithiúla na scoile i dtreo banc bia a chur le chéile do Mary Hegarty agus Dennis Fitzpatrick ó Letterkenny Lion’s Club.

Seo meabhrúcháin den tseirbhís carúil álainn a bhí againn inné sa scoil. Idir ceol agus focal bhí ócáid speisialta againn a mhuscail spiorad na Nollag ionainn uilig.

[Show slideshow]