SCIFEST 2020

Eoghan Ó Fearáin

Beef or Leaf?

Ag comórtas áitiúil anseo i nDún na nGall bhuaigh Eoghan duais timpeallachta céad áit lena thionscnamh “Beef or Leaf”, agus ansin ag an chomórtas náisiúnta, bronnadh ceann de na príomhghradaim ar Eoghan.  Mar chuid den duais sin beidh Eoghan mar ionadaí na hÉireann ar an chlár idirnáisiúnta de chuid “Broadcom MASTERS” atá ar siúl an tseachtain seo chugainn ar líne.  Seo cuid de na céardlainn a rinne Eoghan i rith na seachtaine mar chuid den rannpháirtíocht: Ceardlann le NASA ó ionad spáis Ó Cinnéide, (Kennedy space center); le CERN ón Eoraip ar taighde Fisic; Ceardlann ón Marine Rescue Centre, Florida;  le Institiúid Smithsonian agus ceearclann eile le na 26 scoláirí eile a fuair go ceannais Broadmasters ó 22 tír thart ar an domhain.

Guíonn muid gach rath ar Eoghan, agus níl amhras dá laghad ann ach go mbeidh sé ina shár-ambasadóir ní hamháin do Choláiste Ailigh, ach don tír ar fad.

Comhghairdeas le hEoghan, agus le múinteoir Eolaíochta Máistreás Ní Laighneach.

Comhghairdeas le Pól Mac Giolla Easpaig agus Shauna Ní Uiginn a bheidh mar phríomhchinnirí an bhliain seo chugainn agus le Cathal MacGairbheith agus Aoife Ní Mhurchadha a bheidh mar leas-phríomhchinnirí, anseo le comhordaitheoir Chomhairle na nDaltaí Máistreás Ní Laighneach.

An bhfuil rud ar bith níos deise ná BBQ trathnóna Aoine grianmhar? Seo agaibh na múinteoirí i mbun cócaireachta chun burgair agus breocairí teo a chur ar fáil do dhaltaí agus foireann na scoile.

Comhghairdeas mór le Clara Ní Mhatha a bhain as duais don tionscnamh is fearr i gcomórtas Cumann Staire Dhún na nGall. Tháinig Seán Ó Cnáimhsí, Uachtarán Chumann Staire Dhún na nGall agus Pádraig Ó Shealbhaigh ón Chumann isteach inniu chun an duais bhronnadh ar Chlara, anseo leis an múinteoir staire Máistir Mac a’Bhaird. Bhí an tUachtarán lán moladh don tionscnamh cuimsitheach, fiúntach agus tá sé ar intinn é a chrochadh in iarsmalann Dhún na nGall. Maith thú Clara!

Tá Liam Ó Hannagáin, cinnbuachaill na scoile, tar éis ofráil de scoláireachtaí iomlána a fháil ó Princeton, Brown, Dartmouth agus Yale! Tá sé ar intinn ag Liam freastal ar Yale. Tá pobal na scoile iontach brodúil asat Liam!

Comhghairdeas le ceoltóirí na scoile a ghlac páirt i gCraobh Scléip anocht, ach go háirithe an grúpa ceoil ‘Creid’ a tháinig sa dara háit agus le Pól Mac Giolla Easpaig a bhain amach an chéad áit i rannóg sinsear ceoil uirlis sa tír! Éacht iontach! Éist anseo: